АГАТУ ректора Нам улууһун баһылыгын кытта көрүстэ

Бүгүн “Нам улууһа” МТ баһылыга Юрий Слепцов АГАТУ ректорын э.т. Валерий Федоровы кытта көрүстэ. Көрсүһүүгэ чопчу Партизан орто оскуолатын базатыгар 9-с кылаас кэнниттэн агрокылааһы тэрийии боппуруоһун быһаарыстылар. Манна тыа хаһаайыстыбатын идэтигэр баҕалаах оҕолору түмэн үөрэтии, тус былааны олохтоон практиканы ыытыы, улууска технологтар тиийбэттэринэн анал идэлээх специалистары, тустаах кадрдары бэлэмнээһин, улуус бюджетыттан тус соруктаах миэстэлэргэ үөрэтии туһунан кэпсэтии барда. Ону кытта Нам улууһа сир биэрэр түгэнигэр, университет лесопитомнигы тэрийиитин дьүүллэстилэр. Түмүккэ, “Нам улууһа” МТ уонна Арктикатааҕы судаарыстыбаннай агротехнологическай университет икки ардыларыгар бииргэ үлэлэһии сөбүлэҥин түһэрсэргэ быһаарыы ылыннылар.

«Нам улууһа» МТ пресс-киинин матырыйаалынан.