Саха республикатын судаарыстыбаннаһын күнүнэн!

Убаастабыллаах коллегаларбыт! Күндү устудьуоннар!

Эһигини Арктикатааҕы государственнай агротехнологическай университет аатыттан Саха республикатын судаарыстыбаннаһын күнүнэн итиитик-истиҥник эҕэрдэлиибин!

1990 сыллаахха бу күн Михаил Николаев салалталаах республикабыт Үрдүкү сэбиэтин XII ыҥырыыта Саха сирин судаарыстыбаннай суверенитетын туһунан Декларацияны ылыммыта. Бу докумуон Саха сирэ Россияны кытта биир кэлимник сайдыаҕын, биир хайысханан хардыылыаҕын мэктиэлээбитэ. Онон бу күн Саха сирин саҥа судаарыстыбаннаһын сайдыытын олуга ууруллубута.

Бүгүн — биһиги Сахабыт сирин норуотун сомоҕолоһуутун, кыаҕын тоһоҕолуур күн. Дойдубут историятыгар бэлиэтэммит ситиһиилэрбитин ахтар уонна салгыы сайдар суолбутун, кэнэҕэски кэскилбитин торумнуур бэлиэ күммүт.

Сахабыт сирин сарсыҥҥыта киэҥ далааһыннаах ситиһиилэрдээх буоларыгар, саҥа кэм историята олохтоноругар хас биирдиигит быһаарар оруоллаах – эһиги билиигиттэн, үлэҕэ сыһыаҥҥытыттан, туруоруммут сыалгытын ситиһэргиттэн уопсастыбабыт инникитэ тутулуктаах.

Барыгытыгар кытаанах доруобуйаны, үлэҕэ, үөрэххэ ситиһиилэри, төрөөбүт республикабыт сайдыытын туһугар саҥа хардыылары баҕарабын!

 Ректор Валерий Федоров